En la dispita d'atom è l'Iran sa cunvegnì cun l'Agentura internaziunala da l'energia nucleara IAEA davart l'inspecziun da ses implants militars. Ils experts dad omaduas varts veglian ussa fixar in termin per las examinaziuns, ha fatg a savair in pledader da l'organisaziun d'atom iranaisa.
Las inspecziuns dals implants militars è fin qua stà in tema cuntravers tar las tractativas davart il program d'atom tranter las Naziuns Unidas e l'Iran.
Tenor servetschs secrets dal vest duai l'Iran pli baud avair simulà tests d'atom en tals implants. La regenza a Teheran snega quai.
Gia dapi onns pretenda l’IAEA access liber tar ils implants.
