Exteriur - Iran vul in termin per realisar cunvegna d’atom
L'Iran vul in termin per realisar cumplainamain la cunvegna d'atom da Vienna dal fanadur 2015. Er suenter passa in onn na saja l'affar betg vegnì realisà cumplainamain, ha ditg il pledader da la giunta da segirezza dal parlament iranais.
Cunzunt na sajan las sancziuns cunter l'Iran anc adina betg vegnidas abolidas e cun l'economia iranaisa giaja anc adina mal. Perquai saja ussa temp da metter in termin. Sche las sancziuns na vegnian betg abolidas fin lura, duessia l'Iran sortir da la cunvegna d'atom e puspè reprender nunlimitadamain ses program atomar, uschia il pledader da la giunta da segirezza dal parlament iranais.
