Siglir tar il cuntegn
Inhalt

Exteriur Iran na reconuscha vinavant betg l'Israel

Suenter la cunvegna d'atom na sclauda l'Iran betg da reprender relaziuns diplomaticas cun ils Stadis Unids. La renconuschientscha da l'Irael resta però excludida.

Anc adina è l'Israel cunter la cunvegna atomara.
Legenda: Anc adina è l'Israel cunter la cunvegna atomara. Keystone

Suenter la cunvegna d'atom aveva l'Uniun europeica sperà che l'Iran renconuschia almain l'Israel sco stadi. L'Israel aveva però fatg resistenza cunter la cunvegna ed emprova uss da far cupitgar quella sur il congress american.

La nova politica dal president Hassan Ruhani cumpiglia ina collavuraziun constructiva cun tut ils stadis. In'excepziun saja però l'Israel, uschia il viceminister da l'exteriur iranais Madschid Tacht-Rawanchi.

UE schlucca sancziuns cunter Iran

Per l'emprima giada suenter la cunvegna d'atom cun l'Iran ha l'Uniun Europeica schluccà las sancziuns cunter l'Iran. Quai ha communitgà il servetsch da l'exteriur da Brüssel.Tranter auter duai l'Iran pudair exportar l'uran concentrà per reducir ses program nuclear. Concret duai l'Iran reducir il quantum d’uran da radund 10 t sin 300 kg.

Cun questa schluccada da las sancziuns realisescha l'UE ina resoluziun dal cussegl da segirezza da l'ONU. Questa resoluziun duai pussibilitar a l'Iran da nizzegiar la forza atomara per intents paschaivels.

RR novitads 06:00 / 14:00