Il grev terratrembel aveva chaschunà passa 430 morts e blessà passa 10'000 persunas. I dettia dapli che 1'000 grev blessads. Intgins dad els sa chattian anc adina en privel da vita. Tenor medias na dettia nagina speranza pli dad anc chattar survivents. Perquai èn las lavurs da salvament vegnidas sistidas tschintg dis suenter il grev terratrembel.
Passa 30'000 chasas sajan donnegiadas. Radund 15'000 chasas èn destruidas cumplettamain. Bun 100'000 persunas sajan senza suttetg. En vista a las notgs fradaglias saja quai fitg problematic. Ils blers hajan il mument in suttetg en tendas.
RR novitads 15:00