Il president da l'Iran, Hassan Rohani, ha infurmà en ina brev la China, Germania, Frantscha, Gronda Britannia e Russia davart la decisiun, che l'Iran vegnia a sortir per part da la cunvegna d'atom internaziunala. L'Iran na possia betg realisar ina cunvegna, sch'ils partenaris na fetschian betg er quai, ha ditg Rohani.
Ils Stadis Unids eran sortids avant in onn da la cunvegna ed han relaschà sancziuns cunter l'Iran. Sch'ils 5 partenaris da contract aboleschian entaifer dus mais lur sancziuns da bancas ed ieli, vegnia l'Iran puspè a sa tegnair vi da la cunvegna.
RR novitads 11:00
