Siglir tar il cuntegn

Header

cuntegn

Exteriur Irac: Quartier da regenza en mira da demonstrants

Gia per la segunda giada entaifer curt temp èn demonstrants entrads cun forza en la «zona verda» da la chapitala iracaisa.

La crisa politica en l’Irac è s’intensivada: Aderents dal spiritual schiit Muktada al-Sadr èn puspè entrads cun forza en l’uschenumnada «zona verda» a Bagdad nua che sa chattan dasper il parlament er uffizis guvernamentals ed ambassadas.

Forzas da segirezza han chatschà enavos ils demonstrants cun gas lacrimogen, chanuns d’aua e granatas che tschorventan. Pliras persunas sajan vegnidas blessadas, rapportan las autoritads.

Ils protests sa drizzan cunter la regenza che fetschia memia pauc per cumbatter la corrupziun e garantir la segirezza en la chapitala.

Gia avant 3 emnas eran fullas da demonstrants entradas cun forza en il parlament. Per la citad da Bagdad vala ad interim in scumond da sortir, rapporta la televisiun statala.

RR novitads 21:00

Artitgels legids il pli savens