Siglir tar il cuntegn

Exteriur Irac: offensiva cunter il SI

En l'Irac dal nord han cumbattants curds cumenzà in'offensiva cunter la gruppa da terror Stadi islamic SI.

Schuldada, il general entamez al telefon.
Legenda: General Najat Ali dals peschmerga al telefon durant l'offensiva militara per deliberar 11 vischnancas ch'èn sut controlla dal SI. Keystone

Tenor in cumandant curd hajan ses cumbattants reconquistà sis vitgs en la vischinanza da la citad Mossul. L'attatga actuala duai preparar in'offensiva sin questa citad ch'ha circa 3 milliuns abitants.

Ella è dapi dus onns en ils mauns dals terrorists dal Stadi islamic SI - e vala sco lur chapitala en l'Irac.

RR novitads 17:00