Siglir tar il cuntegn
Inhalt

Exteriur Investiziuns per tegnair davent fugitivs

En la Gronda Britannia vul la regenza investir dapli en la protecziun dals cunfins. Quai pervi che adina dapli fugitivs emprovian da cuntanscher la Gronda Britannia tras l'Eurotunnel che colliescha il pajais cun la Frantscha.

Migrants sin ina via ordaifer l'areal da l'Eurotunnel a Calais en il nord da la Frantscha.
Legenda: Migrants sin ina via ordaifer l'areal da l'Eurotunnel a Calais en il nord da la Frantscha. Keystone

Suenter in inscunter cun ses collega d'uffizi franzos Bernard Cazeneuve ha la ministra da l'intern Theresa May empermess da dar or 10,5 milliuns francs supplementars per la protecziun dals cunfins.

La notg sin glindesdi avevan radund 2'000 fugitivs empruvà da cuntanscher la Gronda Britannia nà da la Frantscha.

1 persuna mora durant fugia

La notg passada han almain 1'500 fugitivs empruvà d’arrivar en la Gronda Britannia tras l'Eurotunnel. 1 persuna saja morta, scriva l'agentura AFP che sa referescha a la polizia.

La situaziun saja alarmanta, ha ditg il primminister englais David Cameron. Ins veglia lavurar ensemen stretg cun las autoritads franzosas per dumagnar la situaziun.

RR novitads 06:00 / 10:00