Siglir tar il cuntegn

Header

Navigaziun

Purtret da Penelope e François Fillon.
Legenda: Suenter François Fillon ha la giustia franzosa uss er en mira sia dunna Penelope. Keystone
cuntegn

Exteriur Investigaziuns uffizialas cunter dunna da Fillon

La giustia franzosa investighescha ussa uffizialmain cunter la dunna dal candidat burgais per il presidi franzos, François Fillon, quai rapportan medias franzosas sa referind sin funtaunas da la giustia.

Penelope Fillion vegn suspectada d'avair assistì ad omissiun fiscala da daners dal stadi. François Fillon duai avair emploià sia dunna per furma sco collavuratura parlamentara. Las renfatschas engrevgeschan dapi emnas il cumbat electoral en Frantscha. Gia avant duas emnas era vegnì avert ina inquisiziun cunter François Fillon.

Sco deputà ha Fillon pajà sia dunna blers onns sco collavuratura dal parlament, en tut duajan quai esser stà passa 680'000 euros daners dal stadi, gia exclus deducziuns socialas. Sco senatur haja el plinavant fatschentà duas da sias figlias.

RR novitads 07:00