Siglir tar il cuntegn
Inhalt

Exteriur Investigaziuns cunter Peugeot-Citroen

Peugeot-Citroen en il visier da la giustia: Er il producent d'autos franzos duai avair manipulà valurs da svapur.

A Peugeot-Citroen vegn renfatschà d'avair manipulà las valurs da svapur (maletg da simbol).
Legenda: A Peugeot-Citroen vegn renfatschà d'avair manipulà las valurs da svapur (maletg da simbol). Keystone

En Frantscha exista il suspect d'avair manipulà las valurs da svapur tar ils autos a diesel entant er tar il producent Peugeot-Citroen. La procura publica haja instradà inquisiziuns. Quai rapportan las agenturas da novitads Reuters ed AFP.

In pledader dal concern franzos ha refusà las rinfatschas. Ins saja sa tegnì vid las leschas en tut ils pajais nua ch'ins saja represchentà. En il passà aveva Peugeot-Citroen refusà mintga cumportament sbaglià.

Pervia da manipulaziuns da svapur pussaivlas investigheschan ils inquisiturs franzos gia cunter Volkswagen, Renault e Fiat-Crysler.

Cunter il rival Opel da la Germania ha la giustia da la Frantscha entant sistì las investiziuns. La marca Opel vegn actualmain vendida dal concern General Motors a la PSA.

RR 09:00 novitadas