Siglir tar il cuntegn
Inhalt

Exteriur Inundaziuns en Grönlanda

In terratrembel en il nord da l'insla Nuugaatsiaq ha chaschunà in tsunami. Quatter persunas sajan sparidas.

Chasas e dapertut anc aua e dapertut da tuttas sorts rauba.
Legenda: L'insla Nuugaatsiaq suenter las inundaziuns. Keystone

Suenter in terratrembel avant la costa da la Grönlanda ha in tsunami manà ad inundaziuns. Il center dal terratrembel è circa 30 kilometers en il nord da l’insla Nuugaatsiaq. L’insla dumbra var 100 abitants. La polizia discura da quatter persunas sparidas e tar ulteriurs 23 abitants da l’insla Nuugaatsiaq na datti fin uss nagin contact. 39 persunas da l’insla èn plinavant vegnidas evacuadas. La terra ha stremblì la sonda saira cun ina fermezza da 4 tenor la scala da Richter, ha mesirà il servetsch seismologic dal Danemarc.

Inundaziuns hai era dà en parts da la costa da la Grönlanda. Tenor in pledader da la polizia en la chapitala na dettia là naginas infurmaziuns sur da persunas blessadas. La costa da la Grönlanda che tutga tar il Danemarc è adina puspè pertutgada da tsunamis. Tenor geologs vegnian quels chaschunads da bovas e da glatsch che sbuva giu da glatschers che lieuan.

RR novitads 17:00