La fundaziun da l’interprendider da medias Craig Newmark dettia 2,5 milliuns dollars per meglierar la segirezza da la plattafurma. Quai ha communitgà la fundaziun «Wikimedia». Tranter auter duajan er las datas dals utilisaders vegnir protegidas meglier. Newmark aveva fundà ils onns 90 la pagina d'internet Craiglist ed è uschia vegnì ritg. El ha avant fatg ina donaziun da bunamain dus milliuns dollar per divers projects da Wikipedia.
Pir da curt avevan nunenconuschents bloccà parts da Wikipedia per pliras uras. Er la versiun tudestga da l'enciclopedia online è stada pertutgada. Tar talas attatgas vegnan severs bloccads cun fitg bleras dumondas senza senn.
Ord l'archiv
La pagina d'internet «Wikipedia» datti dapi 18 onns. Ella è en Svizra sin posiziun tschintg da las paginas il pli savens visitadas. Dapli che 49 milliuns artitgel chatt'ins sin la pagina d'internet.
RR novitads 09:00