Siglir tar il cuntegn

Header

cuntegn

Exteriur Inscunter fritgaivel

En vista a la crisa da fugitivs vulan l'Uniun europeica e la Tirchia collavurar pli fitg. Quai ha ditg il president da la Cumissiun da l'UE, Jean-Claude Juncker, suenter l'inscunter dals schefs da stadi e da las regenzas a Brüssel.

Durant l’inscunter sajan ins sa cunvegnì davart in plan per limitar la fulla da fugitivs. Persuenter duaja dar in pass vers la liberalisaziun dals visums cun la Tirchia.

UE e Tirchia s'avischinan

La cunvegna prevesia da laschar en Tirchia ils fugitivs che sajan gia là, ha ditg Juncker. Era vul ins impedir fugitivs dad immigrar en l’Europa via territori tirc. Suenter onns da renfatschas vicendaivlas ed alienaziun politica paran l’UE e la Tirchia uschia da s’avischinar.

Davart las 3 milliardas euros che la Tirchia pretenda da l'UE per dumagnar la crisa da fugitivs, na dettia anc nagina decisiun, ha ditg Juncker.

RR novitads 06:00

Artitgels legids il pli savens