Fin ils 15 da december sto l'IAEA confermar che l'Iran accumplescha las obligaziuns da la cunvegna d'atom da mez fanadur. Pir lura è il vest pront d’annullar las sancziuns economicas cunter il pajais.
La cunvegna d'atom permetta a l'Iran d'utilisar l'energia nucleara per scopos paschaivels, ma na per sviluppar armas nuclearas.
Decurs da controllas è anc intschert
Il focus è per Amano l’inspecziun dals implant militars, nua che l’Iran duai tenor rapports da servetschs secrets dal vest avair simulà tests atomars. Però èsi nuncler, schebain e co las inspecziuns duain avair lieu. Aifer la regenza iranaisa datti numnadamain opposiziun cunter las inspecziuns da l’IAEA.
RR novitads 12:00