Siglir tar il cuntegn

Header

cuntegn

Exteriur Ingiustias durant l'uffanza influenzescha la sanadad

Inegualitads suffridas durant l'uffanza na pon savens betg pli vegnir cumpensadas pli tard. Tgi ch'è vegnì dischavantagià durant l'uffanza ha en la segunda mesadad da la vita dapli problems da sanadad.

Il facit tenor ils perscrutaders saja, che gia ils emprims onns da la vita influenzeschan il stadi da sanadad da pli tard. Sch'ins haja per exempel bler stress durant l'uffanza, haja quai in'influenza sin la sanadad cura ch'ins vegn pli vegls. Quai è perfin il cas tar carstgauns che cuntanschan bler sco creschids. Ils perscrutaders da l'universitad da Genevra vegnan a la conclusiun ch'ils emprims onns da la vita sajan con-decisivs per il stadi da sanadad.

Il studi mussa plinavant era ch'i dat grondas differenzas da pajais tar pajais. Uschia saja la sanadad tar la populaziun da la Scandinavia meglra che tar la populaziun en Svizra. Per il studi han ils perscrutaders duvrà las datas da passa 24'000 persunas en la vegliadetgna da 50 fin 96 onns da 14 pajais europeics.

RR novitads 12:00

Artitgels legids il pli savens