Siglir tar il cuntegn
Inhalt

Exteriur Infantino vul cooperar cun la procura publica

Il president da la FIFA Gianni Infantino beneventa las investigaziuns da la procura publica federala che pertutgan affars dubius durant ses temp a l'UEFA.

Gianni Infantino il schef da la FIFA, qua sco secretari general da l'UEFA.
Legenda: Gianni Infantino: Psst...jau n’hai fatg nagut faus. Keystone

I saja en ses interess ed en l'interess dal ballape da sclerir tut, uschia vegn cità Infantino en ina communicaziun da la FIFA. Sia veglia da restabilir la reputaziun dal ballape.

Las autoritads svizras han examinà ils biros da l’UEFA a Nyon en il chantun Vad. Quai suenter ils rapports davart il suspect ch'il president da la FIFA Gianni Infantino haja fatg fatschentas nuncorrectas durant ses temp sco secretari general da l’UEFA

Suttascrit contracts cun firma da chascha da brevs

La perquisiziun stat en connex cun l'affera da «Panama Papers». Infantino daui avair suttascrit contracts cun ina firma da chascha da brevs durant ses temp sco directur da la secziun giuridica da l'UEFA. Las inquisiziuns na sa drizzian però betg cunter ina persuna, sut la marella stettia surtut la cumpra da dretgs da televisiun, communitgeschan las autoritads.

RR novitads 06:00