Exteriur - Indonesia: Terratrembel en la provinza Aceh
Suenter il grev terratembel è il dumber dals morts entant creschì sin almain 90. Ulteriuras persunas vegnian plinavant supponidas sut las runias, communitgeschan las autoritads. Numerusas chasas sajan vegnidas destruidas.
Il terratrembel cun ina fermezza da 6,5 è succedì la damaun marvegl avant la costa da la provinza Aceh sin l'insla Sumatra. Tenor ils seismologs èn las stremblidas stadas da sentir en l'entira provinza ch'era vegnida destruida dal Tsunami il 2004.
Per tema d'ina unda gigantica èn blers abitants fugids en panica. In avertiment da Tsunami n'hai però betg dà.
