Siglir tar il cuntegn

Header

video
Punt sballunada en il stadi federativ Gujarat
Or da News-Clip dals 30.10.2022.
laschar ir. Durada: 33 Secundas.
cuntegn

India Punt sballunada – dapli che 140 morts

En l’India è sballunada la dumengia ina punt pendenta sur in flum. Tozzels da persunas èn crudadas en l’aua. Tenor communicaziun uffiziala èn almain 140 persunas mortas. Las bleras èn najadas. Il mument da la disgrazia èn radund 500 peduns stads in la punt che sa chatta en il stadi da Gujarat.

Davart la raschun da la disgrazia na datti anc naginas indicaziuns uffizialas. Tenor las medias n'haja la construcziun betg pudì tegnair uschè bleras persunas. Pir l'emna passada è la punt puspè vegnida averta suenter lavurs da sanaziun.

RTR novitads 07:00

Artitgels legids il pli savens