Suenter in incendi en in tempel en il sid da l'India crescha il dumber da las unfrendas. Sco quai che la polizia ha communitgà, sajan passa 100 persunas mortas. Radund 300 ulteriuras sajan vegnidas blessadas, rapporta l'agentura da novitads tudestga dpa, fertant che ulteriuras funtaunas rapportan da 200 blessads.
La raschun per l’incendi saja probabel stà in fieu artifizial nunlubì davant il tempel en la citad da Paravu. Quai communitgeschan las autoritads localas.
Tut en tut sajan tranter 10'000 e 15'000 persunas stadas sin l’areal dal tempel per celebrar la festa da Bumaun dals Hinduists.
RR novitads 12:00