L'Australia ha surdà ina incumbensa da milliardas a l'interpresa statala franzosa «DCNS» per construir 12 sutmarins. Quai communitgescha la regenza australiana.
Ils Franzos han cunquai fatg la cursa cunter la firma tudestga «Thyssen-Krupp» ed in consorzi giapunais.
L'incumbensa da radund 38 milliardas francs vala sco la pli gronda investiziun militara en l'istorgia dal pajais.
La regenza australiana ha punctuà che la gronda part da las lavurs vegnian fatgas en l'Australia.
RR novitads 09:00