Siglir tar il cuntegn
Inhalt

Exteriur Incendis da guaud furian vinavant en California

Pervi dals incendis da guaud ston ulteriuras parts en il nord dal stadi federativ vegnir evacuadas.

Auto da pumpiers.
Legenda: En la California cuntinuescha in cumbat cunter las flommas. Reuters
  • Pervi dals grevs incendis ston er parts dal district Santa Barbara vegnir evacuadas.
  • Ina fin dals incendis n'è tenor il servetsch meteorologic betg en vista.

Pertutgads da las mesiras da segirezza sajan il abitants dal district da Santa Barbara. Quai communitgeschan las autoritads localas.

L’incendi en il nord da la metropola Los Angeles vala sco in dals pli grevs en l'istorgia da la California. Fin uss ha l'incendi devastà ina surfatscha che correspunda circa al chantun Uri.

Passa 1’000 bajetgs sajan vegnids donnegiads u destruids. Radund 8'000 pumpiers sajan en acziun. In è mort en las flommas. Las autoritads stiman ils donns material gia uss a passa 100 milliuns dollars.

Ina fin dals incendis na saja actualmain betg en vista. Quai ha communitgà il servetsch meteorologic. L’incendi era rut or ils 4 da december 2017.

RR novitads 09:00