Siglir tar il cuntegn

Exteriur Incendis da guaud en il Portugal

En il center dal Portugal datti danovamain incendis da guaud. Almain 10 persunas sajan vegnidas blessadas, tranter quellas er plirs pumpiers.

Pumpiers vid stizzar il fieu.
Legenda: Tar lavurs da stizzar ils fieus èn plirs pumpiers vegnids blessads. Keystone

Tenor communicaziuns dad autoritads localas èn tar ils incendis da guaud almain 10 persunas vegnidas blessadas, tranter quellas er plirs pumpiers. . Ils incendis sajan ruts or datiers dals lieus Tramagal e Sao Pedro de Tomar. Il fieu a Tramagal saja sut controlla. Glindesdi saira han a Tramagal tuttina anc 140 pumpiers cun 40 autos da pumpiers cumbattì cunter il fieu. A São Pedro de Tomar eran anc 240 pumpiers cun 50 autos da pumpiers en servetsch.

Pir avant duas emnas èn passa 60 persunas mortas e passa 250 persunas vegnidas blessadas tar in incendi desastrus en il Portugal. Il fieu han ins pir suenter tschintg dis pudì stizzar.

RR novitads 06:00