Siglir tar il cuntegn
Inhalt

Exteriur Incendi en il zoo da Londra

En il Zoo da Londra hai da sonda a bun'ura in fieu. Ils pumpiers èn ids a la lavur cun 10 vehichels da stizzar e 72 pumpiers, uschia ils pumpiers da la chapitala britannica.

Pumpiers che stizzan in fieu en il zoo.
Legenda: Ils var 70 pumpiers han gì sut controlla suenter trais uras il fieu. Keystone

Pertutgads sajan stads in café ed ina butia datiers dal zoo da charsinar. Otg collavuraturs dal zoo sajan vegnids tractads al lieu. Il blers pervi da tissientadas da fim supponidas. In collavuratur haja stuì ir en l'ospital, uschia las forzas d'agid. Ils animals hajan ils collavuraturs pudì salvar. Ils pumpiers han gì sut controlla suenter trais uras ils fieu.

Zoo en il Regent Park a Londra

Il Zoo da Londra è vegnì bajegià il 1828 en il Regent's Park en il center da la citad. El è ina da las attracziuns da Londra. Il zonn restà serrà la dumengia.

RR novitads 14:00