Exteriur - Incendi cun intenziun cunter alloschi per requirents d'asil
Il fieu en in bajetg previs per in alloschi per requirents d'asil en la Germani da l'ost, è tenor emprimas enconuschientschas da la polizia vegnì mess cun intenziun.
La polizia dal Bundesland Sachsen-Anhalt ha communitgà quai, senza però inditgar motivs. Enconuschent saja che persunas sajan ruttas en la notg passada en la chasa en il vitg da Tröglitz.
A Tröglitz datti dapi in temp protests cunter dar alloschi a 40 fugitivs. Quai sut la direcziun da la partida da la dretga NPD.