Tar en tut duas sajettadas ad Austin en il stadi federativ da Texas ha ì tenor indicaziuns da la polizia dà pliras unfrendas. Almain ina dunna saja morta, rapporta l’emettur da televisiun CNN sa referind sin indicaziuns dals servetschs medicinals da la citad. La situaziun saja uss puspè sut controlla. Era las autoritads han uss confermà questas indicaziuns.
La polizia è s’exprimida via il servetsch da novitads twitter ed ha admoni da evitar il center da la citad da Austin. Sur da pussaivels motivs na datti il mument anc naginas indicaziuns.
RR novitads 11:00