Siglir tar il cuntegn
cuntegn

Exteriur Ina persuna mora tar malauras en California

Pervi dad in stemprà han pliras tschient persunas stuì vegnir evacuadas en il sid da la California. Ina persuna saja morta pervi dal stemprà.

Grevas malauras en il sid da la California.
Legenda: Grevas malauras en il sid da la California. Reuters

A Los Angeles saja morta ina persuna causa ina electrisada cura ch'ina planta è cupitgada sin ina lingia d'electricitad. Tenor rapports èn tut en tut var 150 lingias vegnidas dennegiadas uschia che bleras chasadas èn stadas senza electrizitad. Plinavant sajan bleras vias stadas bloccadas ed i haja dà considerabels impediments dal traffic.

Sin la plazza aviatica internaziunala da Los Angeles hajan 64 sglos stuì vegnir annullads e 269 sglos sajan vegnids spustads. Quai rapportan las autoritads localas.

Las autoritads averteschan era da bovas ed inundaziuns. I sa tractia dad ina da las pli grevas malauras dals davos onns en la regiun.

RR actualitad 10:00