Exteriur - Ina dretgira pretenda meglras cundiziuns per fugitivs a Calais
En Frantscha han ina dretgira appellà a las autoritads da la citad da Lille da meglierar la situaziun da 6’000 fugitivs. Quels vivan dapi mais datiers da la citad da Calais en in champ che vegn er numnà "la tschungla". Las ultimas emnas è il dumber da las persunas che vivan là sa dublegià.
La sentenzia pretenda che las autoritads construeschian almain 50 latrinas e 10 ulteriurs posts per la distribuziun d'aua da baiver. Plinavant stoppia vegnir dismess regularmain las fecalias ed il rument.
Pliras organisaziuns d'agid avevan purtà plogn ed eran idas avant dretgira.
