Siglir tar il cuntegn

Exteriur In mort e 100 blessads avant parlament ucranais

Pervi d’acts da violenza avant il parlament da l'Ucraina è in commember da la garda naziunala mort ed almain 100 commembers da las forzas da segirtad vegnids blessads: plirs da quels grevamain. Tenor il schef da la polizia da Kiew saja tranter auter vegnì bittà ina granata da maun.

Las demonstraziuns dals naziunalists avant il parlament ucranais a Kiew èn escaladas.
Legenda: Policists emprovan da tegnair enavos ils demonstrants avant il parlament ucranais a Kiew. Keystone

Enturn 3’000 naziunalists avevan demonstrà cunter la decisiun dal parlament, da conceder dapli autonomia a las regiuns en l'ost dal pajais. Questa mesira è in punct central dal plan da pasch per l'Ucraina da l'ost. Quel era vegnì concludì il favrer passà. Per ch'el possia entrar en vigur dovri dentant anc ina segunda votaziun en il parlament.

RR novitads