Siglir tar il cuntegn

Header

Navigaziun

Donald Trump sesa vid ina maisa e suttascriva in decret per construir in mir al cunfin cun il Mexico.
Legenda: Il president american suttascriva in decret per construir in mir al cunfin cun il Mexico. Keystone
cuntegn

Exteriur In mir duai dustar migrants nungiavischads

Il president american Donald Trump ha ordinà da construir in mir al cunfin cun il Mexico. El ademplescha cunquai in'empermischun fatga en ses cumbat electoral.

Donald Trump haja suttascrit in decret correspundent, rapportan agenturas da novitads. Il mir planisà tranter ils Stadis Unids da l'America ed il Mexico duai gidar da reducir il dumber d'immigrants illegals ed il commerzi cun drogas. Tenor experts pudess il mir planisà custar fin 40 milliardas francs. Il cunfin tranter ils Stadi Unids ed il Mexico è radund 3200 kilometers lung, ina part d'el è gia segirà cun saivs. Il mir al cunfin cun il Mexico era in dals gronds temas da Trump en il cumbat electoral.

RR novitads 21:00