Bush ch'aveva cumenza il cumbat electoral sco favurit, ha tratg las consequenzas da ses nauschs resultats en las emprimas elecziuns preliminaras. En il stadi federativ South Carolina è Bush vegnì la sonda mo sin plazza 4.
Trump sin topposiziun
Victur en South Carolina è l'interprendider Donald Trump. Suenter che las bleras vuschs èn dumbradas maina il populist Trump cun var 32% da las vuschs. Sin plazza 2 e 3 suondan il senatur da la Florida Marco Rubio ed il senatur texan Ted Cruz cun mintgamai var 22% da las vuschs. Els dus separan mo paucas tschient vuschs.
Clinton gudogna en Nevada
En las elecziuns preliminaras dals democrats en il stadi federativ Nevada ha l'anteriura ministra da l'exteriur Hillary Clinton gudagnà stgars 6 pertschient dapli da las vuschs che ses concurrent en la partida Bernie Sanders. Cun var 53% da las vuschs ha Clinton tegnì a mastrin ses concurrent Sanders che ha survegnì var 47%.
Sanders fa pressiun
En la terza elecziun preliminara dals democrats suenter Iowa e New Hampshire valeva Clinton sco favurita. Las ultimas emnas ha il senatur da Vermont Bernie Sanders però survegnì «momentum» ed adina megliers resultats en las retschertgas.
RR Novitads 06:00
