Siglir tar il cuntegn
Inhalt

Exteriur In buob per William e Kate

Suenter il figl George e la figlia Charlotte èsi il terz uffant dal princi William e sia dunna.

Duchessa Katte e prinzi William cun lur pop.
Legenda: La duchessa Kate ha en preschientscha da prinzi William parturì glindesdi in buob. Keystone

La duchessa Kate ha en preschientscha da prinzi William parturì glindesdi a las 11:01 temp local in buob. Il pop paisa 3,8 kilos, quai ha il palazi royal a Londra communitgà. La mamma ed il pop stattan omadus bain.

Williame, kate cun lur uffants £George e Charlotte.
Legenda: Il terz uffant dal princi William e sia dunna è naschì. Keystone

Successiun al tron

Regina Elizabeth II., prinziconsort Philip sco era prinzi Charles, duchessa Camilla e prinzi Harry sajan gia infurmads e hajan «grond plaschair». Igl è il terz uffant dal pèr. Per la queen è l'uffant gia il 6avel sutbiadi. Il pop stat sin il 5avel post per la successiun al tron britannic – quai suenter non Charles, bab William, frar George e sora Charlotte. Aug Harry ruschna ussa dal 5avel post sin il 6avel post per la successiun al tron.

Sco gia tar ils auters dus uffants ha Kate patì davent da l'entschatta da grond malesser. Ella ha stuì desister da blers termins uffizials. Per quest motiv ha ella era manchentà la scolarisaziun dal figl George. Il buob da quatter onns visita la scola privata Thomas's Battersea en il sid da Londra. Charlotte che ha dus onns va en scolina ch'è datiers dal palast Kensington.

RR novitads 15:00