Ils ultims rebels en l'ost d'Aleppo èn sa cunvegnids cun il reschim sirian adina pausa da cumbat. Quella duai pussibilitar ad els da bandunar la citad.
L'ambassadur da l'ONU russ Witali Tschurkin ha confermà las indicaziuns dals rebels. Quels vegnian a bandunar la citad a partir da questa notg a las 4. La cunvegna è tenor agenturas da novitads reussida sut l’intermediaziun da la Russia e la Tirchia. Tenor organisaziuns d'agid èn 100’000 persunas anc adina bloccadas en l'ost da l'Aleppo.
