Siglir tar il cuntegn
cuntegn

Exteriur Ils Stadis unids vulan franar il Stadi islamic en Libia

Il president american Barack Obama ha avisà ses cussegliaders da segirtad da rinforzar il cumbat cunter la derasaziun da la milissa terroristica Stadi Islamic en la Libia.

Conflicts en Libia.
Legenda: Pliras gruppaziuns cumbattan per la pussanza en Libia, savens profitescha il Stadi islamic. Keystone

Il minister da defensiun american, Ashton Carter aveva fatg attent che il Stadi islamic endrizzia camps da trenament en la Libia ed instrueschia là cumbattants da l'exteriur per il cumbat en Siria ma er en Libia ed ulteriuras regiuns.

En la Libia regia gia in temp ina guerra civila quai dapi il 2011 cura ch'il dictatur Muammar al-Gaddafi era vegnì cupitgà. Duas regenzas rivalisantas pretendan la pussanza. Ulteriuramain ageschan pliras gruppaziuns terroristicas en il pajais.

RR novitads 06:00