Siglir tar il cuntegn
Inhalt

Exteriur Ils Stadis Unids bittan giu la pli gronda bumba betg nucleara

La forza armada americana ha bittà giu per l’emprima giada lur pli gronda bumba betg nucleara. La bumba da var 10 tonnas ha tutgà in «cumplex da tunnels» da la milissa terroristica Stadi islamic.

Bumba sin in char
Legenda: Uschia vesa ella ora: la pli gronda bumba betg nucleara dals Americans. Keystone

La bumba è vegnida bittada giu en il cumbat cunter posiziuns da l’organisaziun terroristica Stadi islamic en l’ost da l’Afghanistan, en la provinza da Nangarhar. Quai ha communitgà in pledader dal ministeri da la defensiun american.

La fin d’emna passada era in schuldà american mort en in’ operaziun cunter l’SI en la provinza da Nangarhar.

La bumba dal tip GBU-43/B Massive Ordnance Air Blast vegn numnada en il linguatg militar la «mamma da tut las bumbas».

RR novitads 21:00