Ils putschists a Burkina Faso capituleschan

En il pajais vest-african da Burkina Faso han tschients da putschists remess lur armas, sco perditgas rapportan.

Persunas sin ina via en la chapitala Ouagadougou.

Legenda da maletgs: Suenter il putsch hai adina puspè dà protests en la chapitala Ouagadougou. Keystone

Ultra da quai han ils putschists, commembers da la garda presidiala, laschà liber il mardi en damaun il schef da regenza Isaac Zida. Quai annunzia in radio local.

Avant avevan ils putschists gia laschà liber il president intermediar Michel Kafando, quel sa chatta actualmain en l’ambassada franzosa.

Avant che sa surdar aveva il manader dal putsch dumandà per perdun il pajais sco era la communitad internaziunala.

RR Novitads 06:00