Exteriur - Ils Pajais Bass ston uss vegnir sancziunads
En la dispita tranter la Tirchia ed ils Pajais Bass pervia dal scumond da tegnair in pled per il minister tirc ha uss il president tirc Recep Tayyip Erdogan anc ina giada rinforzà las reproschas cunter ils Pajais Bass.
Den Haag stoppia vegnir sancziunà d'organisaziuns internaziunalas che surveglian uss la democrazia ed ils dretgs umans, quai ha pretendì Erdogan avant schurnalists.
Ils Pajais Bass na sajan betg sa cumportads sc’in stadi da dretg mabain sumegliant ad ina republica da bananas. Il pajais stoppia pajar il pretsch per quest cumportament «senza maniera».
Ins vegnia a mussar als Pajais Bass co che la diplomazia internaziunala funcziunia, uschia Erdogan.
