Tar la nominaziun da cardinals novs ha Papa Francestg admonì dad ina divisiun creschenta tranter baselgia e societad.
Il virus da la polarisaziun e da l’inimicizia penetrescha en nossa moda da pensar, sentir ed agir.
Cunter quel virus «n’essan nus betg immun». Perquai saja da far attenziun, da na betg surlaschar l’agen cor a questa tenuta, ha fatg attent papa Francestg.
Tar la ceremonia en il dom da s. Peder èn vegnids nominads 17 cardinals novs: 5 da l’Europa, 4 da l’America dal Nord, 2 da l’America dal Sid, 3 da l’Africa, 2 da l’Asia ed 1 da l’Oceania. Tranter da els è er il nunzi da Damaskus, l’artg uvestg Mario Zenari. Sia nominaziun vala sco segn da solidaritad envers la populaziun siriana turmentada da la guerra.
Uschia datti actualmain 228 cardinals en la baselgia catolica. Suenter la ceremonia visita Francestg cun ils cardinals novs ses antecessur Benedetg XVI en la claustra Mater Ecclesiae en il Vatican.
RR novitads 12:00