Il turissem en Grezia prosperescha

En Grezia vai puspè meglier cun la branscha turistica quai che ha influenza sin las plazzas da lavur. Da las bun 250milli plazzas ch'èn vegnidas stgaffidas quest onn da nov èn passa 210milli en la sparta da turissem. Quai rapportan medias indigenas.

Ina riva en Grezia cun turists che schain el sulegl.

Legenda da maletgs: Il turissem en Grezia ha pil mument conjunctura auta. Keystone

L'onn passà avevan radund 26 milliuns turists visità la Grezia. Quest onn spetga l'uniun turistica anc ina giada 6% dapli turists.
Il turissem e las branschas parentadas fan ora entant in quart dal product naziunal brut da la Grezia. Ils gronds victurs sajan pil mument surtut Kreta, las inslas Mykonos e Naxos sco era las inlas en la mar ionica, sco Korfu. Tut quels han fatg in plus enturn 10%.