Siglir tar il cuntegn
cuntegn

Exteriur Il Tirol na vul nagins gieus olimpics

Ils Tirolais èn s'exprimì a l'urna cunter ina candidatura per ils gieus olimpics d'enviern 2026 a Puntina (Innsbruck).

Vista sur Puntina davent da la schanza da skis.
Legenda: Nagins gieus olimpics il 2026 a Puntina. Keystone

Ils Tirolais na vulan nagins gieus olimpics. Tar ina consultaziun dal pievel han 53% ditg na a la candidatura da Puntina per ils gieus olimpics d'enviern 2026. En la chapitala dal Tirol, en la citad da Puntina, han dus terzs refusà la candidatura. Ils gronds lieus da sport d'enviern en il Tirol percunter, han per gronda part ditg gea ad ina candidatura.

Gia il 1993 ed il 1997 eran ils Tirolais s'exprimì a l'urna cunter ina candidatura per gieus olimpics. Gì lieu han ils gieus olimpics d'enviern gia duas giadas a Puntina, numnadamain il 1964 ed il 1976.

Swiss Olympic vul candidar cun il Vallais per ils gieus olimpics 2026.

RR novitads 07:00