Siglir tar il cuntegn
cuntegn

Exteriur Il Stadi Islamic perda terren en l'Irac e la Siria

Ils adversaris dal Stadi Islamic conquistan en l’Irac la citad Baadsch. Ed en la Siria èn las truppas curt avant la citad da Al-Rakka.

Ins vesa in maletg d'ina citad destruida en il lontan.
Legenda: La milissa terroristica dal Stadi Islamic perda ulteriur terren. Keystone

La milissa terroristica dal Stadi Islamic perda ulteriur terren. En il nordvest da l'Irac hajan truppas alliadas da la regenza iracaisa reconquistà la citad Baadsch, ha communitgà in post d'observaziun sirian per ils dretg umans.

A Mossul saja l'armada iracaisa curt avant gudagnar la battaglia. En Siria èn sco i para truppas da la regenza e da la coaliziun militara internaziunala paucs kilometers avant la citad da la Siria Al-Rakka e fan quint da conquistar quella ils proxims dis. Al-Rakka è sper Mossul la pli impurtanta citad sut controlla da la milissa terroristica.

RR novitads 18:00