Curt e concis:
- Matteo Renzi sa retira sco schef da la partida socialdemocratica.
- La schleppa istorica dals socialdemocrats en l'Italia sforza uss la partida da s’orientar da nov.
- La partida socialdemocratica ha fatg sulet 18,7% da las vuschs.
L’anteriur schef da regenza Matteo Renzi ha annunzià che sia partida giaja en l’opposiziun e ch’ella na vegnia betg a far part d’ina coaliziun da regenza. La partida dal actual primminister Paolo Gentiloni vegn sin 18,7% da las vuschs e croda uschia marcant davos il moviment «Cinque Stelle» (32,6%) e davos l’allianza da la dretga da las partidas «Lega Nord», «Forza d’Italia» e «Fratelli d’Italia» (37%). Il 2013 era la partida socialdemocratica anc vegnida sin 25,4% da las vuschs.
RR novitads 20:00