Siglir tar il cuntegn
cuntegn

Exteriur Il sanester Hamon duai cumbatter per il presidi franzos

Ils socialists en Frantscha han elegì l'anteriur minister Benoît Hamon sco candidat per il presidi franzos. El vala sco represchentant da l’ala sanestra da la partida socialista.

Il politicher socialist Benoît Hamon
Legenda: Benoît Hamon suenter ch'ils resultats provisorics mussan sia victoria. Reuters

En la votaziun decisiva haja Hamon fatg var 58% da las vuschs - ses concurrent l'anteriur schef da regenza Manuel Valls var 42%. Quests resultats provisorics annunzian ils organisaturs da las elecziuns preliminaras.

Il politicher socialist Manuel Valls
Legenda: Manuel Valls ha concedì sia terrada. Keystone

Hamon valeva suenter l’emprima runda da las elecziuns preliminaras avant in’emna sco favurit. Entant ha ses cuntracandidat da l’ala dretga da la partida Manuel Valls concedì sia terrada. La victoria saja clera, ha Valls ditg e gratulà a ses contrahent.

Davent dad uss è Benoît Hamon candidat da nossa famiglia politica.
Autur: Manuel Valls

Schanzas fitg intschertas

Benoît Hamon a 49 onns e vala sco politicher cun ina clera tendenza sanestra. El sa distanziescha radical da la politica dal president actuala François Hollande. Sias schanzas sin l'uffizi dal president franzos valan dentant sco pitschnas, favurits èn il conservativ François Fillon e la populista da la dretga Marine Le Pen.

RR novitads 21:00