Siglir tar il cuntegn
cuntegn

Exteriur Il pretsch d’ieli croda ad in crudar

L'aboliziun da las sancziuns cunter l'Iran smatga sin il pretsch d'ieli. Il pretsch per in but ieli da la marca Brent è crudà en il martgà asiatic per 2% sin 27,7 dollars ed è uschè bunmartgà sco dapi 13 onns betg pli.

In tren cun chars d'ieli.
Legenda: Il pretsch d'ieli vegn sut squitsch tras l'Iran che po uss furnir dapli ieli. Keystone

Dapi l'entschatta da l'onn nov è il pretsch d'ieli sa reducì per passa 25%. Sin il martgà d'ieli datti dapi mais ina surofferta d'ieli ed il medem mument è la dumonda suenter ieli flaivla. Entras l'aboliziun da las sancziuns cunter l'Iran po il pajais puspè vender dapli ieli, quai ch'engrevgescha anc pli ferm la situaziun.

RR novitads 06:00