Siglir tar il cuntegn
cuntegn

Exteriur Il pli grond port da la Grezia, Piräus, è en mauns chinais.

Il contract per la vendita dal port da Piräus han signà oz il primminister grec Alexis Tsipras, il schef dal concern chinais Cosco ed il schef per las privatisaziuns en la Grezia.

bastiments en il port da Piräus
Legenda: 51% dal pli grond port da la Grezia, Piräus èn en mauns chinais. Keystone

Ils Chinais pajan 280 milliuns euros per ina cumpart da 51 pertschient dal port. En 5 onns pon els surpigliar ulteriurs 16% per 88 milliuns euros.

Las privatisaziuns èn in'impurtanta cundiziun per che la Grezia survegnia ulteriur sustegn internaziunal. Fin uss han las privatisaziuns dentant purtà be 3.5 milliardas euros a la Grezia. Il december passà aveva la fatschenta Fraport che maina plazzas aviaticas signà contracts per il manaschi da 14 plazzas aviaticas regiunalas en Grezia. Quai per ina summa da radund 1.2 milliardas euros.

RR novitads 16:00