Siglir tar il cuntegn

Header

cuntegn

Exteriur Il nov è il vegl president da la Bielorussia

Alexander Lukaschenko resta er per ina 5avla perioda en uffizi. Quai conferman ils gremis electorals da la Bielorussia. Lukaschenko cuntanscha sur 83% da las vuschs, tar ina participaziun da bun 87%

La cuntercandidata cun las bleras vuschs, Tatjana Korotkewitsch, ha cuntanschì 4,4% da las vuschs. Total èn radund 7 milliuns electuras ed electurs stads clamads a l'urna.

Lukaschenko ha dà giu sia vusch en la chapitala Minsk. Als 3 ulteriurs candidats n'era vegni dà naginas schanzas, uschia che la reelecziun da Lukaschenko valiva sco segira. Tar l'ultima elecziun il 2010 aveva Lukaschenko fatg 80% da las vuschs.

Lukaschenko sco «ultim dictatur da l'Europa»

Alexander Lukaschenko ha 61 onns ed è a la testa da la Bielorussia dapi sia elecziun il 1994. El vala sco manader autoritar, numna sasez il «ultim dictatur da l'Europa» ed è enconuschent per sia antipatia vers la democrazia.

Opposiziun renfatscha «metodas stalinisticas»

L'opposiziun al renfatscha metodas stalinisticas e lantschescha adina puspè renfatschas, ch'i vegnia manipulà tar las elecziuns. Lukaschenko figurescha pervi da sias metodas era sin la glista naira da l'Uniun europeica. El na dastga pia betg viagiar en l'Europa.

RR novitads 14:00 / 12.10.2015, 06:00

Artitgels legids il pli savens