Il mund beneventescha il 2017

Da Sidney fin Berlin vegn festivà il nov onn 2017: cun gronds fieus artifizials.

Gia 10 uras avant che la Svizra po beneventar l'onn nov han ins sajettà rachettas en il port da Sidney sur l'enconuschenta chasa da l'opera. Las vias da l'areal da festa eran vegnidas bloccadas cun bus per prevegnir ad eventualas attatgas terroristicas. En tut ha il spectacul custà a la citad 5,2 milliuns francs.

Ils emprims eran ils da Samoa ...

Sco a Sidney vegn festegià enturn tut il mund l'onn 2017. Sco emprims han beneventà ils abitants da Samoa l’onn 2017. Els han gia dapi las 11:00 (temp Europa centrala) Bumaun. Lura èn seguids Fidschi, la Nova Zelanda, Tonga, l’Australia, Papua-nova Guinea, Giappun, China ed il Sid-ost da l’Asia.

Era la chapitala da la Germania beneventa il nov onn: Berlin

Legenda da maletgs: Era la chapitala da la Germania beneventa il nov onn: Berlin Keystone

... ed ils ultims èn stads ils da Hawaii

Ils ultimsèn stads ils Americans: Fertant che New York fa festa han ils da Los Angeles e dad Anchorage da spetgar anc trais u quatter uras. La fin finala vegn fatg viva er a Hawaii: Numnadamain damaun las 11:00 (temp Europa centrala).

RR novitads 18:00