Siglir tar il cuntegn
cuntegn

Exteriur Il Katar sa dosta cunter l'isolaziun

Il Katar vul cun agid d'ina advocatura svizra proceder giuridicamain cunter ses pajais vischins.

Ina vista sin chasas autas da Katar.
Legenda: Il Katar sa dosta cunter l'isolaziun. Keystone

Il Katar vul sustegn svizzer en la dispita cun ses vischins. Ina advocatura svizra duaja represchentar l'emirat ha ditg Ali ben Smaik Al-Marri, il parsura dal comité naziunal dals dretgs umans da l'ONU en il Katar. Ses pajais vegnia a proceder giuridicamain cunter l’Arabia Saudita, Emirats Arabs Unids e Bahrain. Ses pajais pretendia indemnisaziuns per donns ch'i dettia entras la bloccada economica.

Tge chanzlia svizra che duai represchentar il Katar en la dispita n'è anc betg enconuschent. Il cumenzament da zercladur avevan differents pajais arabs interrut lur relaziuns diplomaticas cun il Katar. Els reproschan al Katar da sustegnair extremists.

RR novitads 07:00