Siglir tar il cuntegn

Exteriur Il IKRK smetta ad Aden suenter attatga

Il Comité internaziunal da la Crusch Cotschna sa retira per entant ord la chapitala dal Jemen.

Vista da las destrucziuns en la citad da Aden en il Jemen.
Legenda: Bleras destrucziuns e blera malsegirezza en la citad da Aden en il Jemen. Keystone

Quai sco reacziun sin in’attatga che persunas armadas avevan fatg il glindesdi sin il biro dal IKRK. Il biro saja vegnì sblundregià, blessads n’haja dentant dà nagins, ha ditg la pledadra dal IKRK. 14 collavuraturs d’auters pajais hajan els evacuà. Tenor la pledadra hai dà sulettamain las davosas 2 emnas 10 sumegliantas attatgas sin collavuraturs en la citad da Aden.

Il IKRK ha appellà a las partidas da conflict, da respectar la lavur neutrala e betg partischanta da la Crusch Cotschna e da betg impedir la lavur dals gidanters.

Il fanadur avevan alliads dal president dal Jemen stgatschà ils rebels dals Huthi da la citad da, la situaziun è dentant anc adina nunsurvesaivla.

RR Novitads 06:00