Siglir tar il cuntegn
Inhalt

Exteriur Il Danemarc sa muventa davent da l'Uniun europeica

En in referendum han 53,1 % da la populaziun dal Danemarc decis da restar en dumondas da giustia e da la politica interna autonoms ed uschia betg da surpigliar tschertas leschas da l'Uniun europeica.

Dus politichers dal Danemarc gratuleschan.
Legenda: Il schef da regenza dal Danemarc Lars Lökke Rasmussen (dretg) gratulescha al schef da la partida populara Kristian Thulesen Dahl. Keystone

Tar in referendum han ils votants dal Danemarc refusà da surpigliar tschertas leschas da l'UE en il dretg da giustia. Il schef da regenza Lars Lökke Rasmussen ha concedì la terrada ed è sa mussads trumpads.

Passa 53,1 % da la populaziun han vuschà cunter ina approximaziun a l'UE. Ed uschia sorta il Danemarc tranter auter da la collavuraziun europeica da la polizia Europol. La dretga en il pajais aveva sustegnì questa via.

Uss sto il Danemarc sa stentar per ina cunvegna nova cun l'UE, quai la finala per tuttina pudair profitar da la polizia europeica Europol.

RR novitads 06:00