Siglir tar il cuntegn
Inhalt

Exteriur Il cunfin Serbia-Ungaria betg pli transibel

L'Ungaria ha facticamain serrà ses cunfin cun la Serbia. E davent dad oz vala en il pajais il surpassar ils cunfins illegalmain sco delict penal.

In policist serra ina saiv.
Legenda: In policist ungarais serra la saiv da cunfin a Röszke. Keystone

La finamira da questa lescha nova è da sminuir il dumber da fugitivs che surpassan ils cunfins illegalmain. Uss ristga tgi che surpassa ils cunfins senza permiss enfin a 3 onns praschun. E la nova lescha lubescha da manar enavos persunas entradas illegalmain en l’Ungaria entaifer paucs dis.

Tenor la polizia ungaraisa èn arrivads sulettamain il glindesdi var 9’000 fugitivs, uschè blers sco anc mai dapi che la crisa da fugitivs en l’Europa ha cumenzà.

Entant ha l’Ungaria serrà ina da las pli impurtantas rusnas per ils fugitivs en la saiv da cunfin tranter l'Ungaria e la Serbia. La rusna datiers da Röszke, in binari da tren da 40 meters ladezza che maina da la Serbia en l’Ungaria, n’è uss betg pli libra.

RR Novitads 06:00